Ознака: дигитализација

Фонд за иновации и технолошки развој започнува со серија на инфо сесии во врска со предизвикот „Со дигитална трансформација до иновација”, кој се реализира во партнерство со Швајцарија преку Програмата за зголемување на пазарна вработливост ИМЕ.
Инфо сесиите ќе се одржат во повеќе градови низ државата  за што ФИТР отвари повик за сите заинтересирани апликанти.
За отворениот повик ФИТР има предвидено буџет во износ од 18.450.000 денари (300 000 EUR). Фондот обезбедува финансирање до 70% од вкупниот буџет за проектот за микро или мало претпријатије, односно до 50% од вкупниот буџет за проектот за средни претпријатија, во максимален износ од 1.845.000 денари (30 000 EUR).
Рокот за аплицирање е до 20.03.2023 година, до 14:00 часот, а начинот на аплицирање е исклучиво онлајн.

Повеќе информации за предизвикот на: https://fitr.mk/digitalna-transformacija/

 

Нова одлична можност за грант од ФИТР „Со дигитална трансформација до иновација“  
Фондот за иновации и технолошки развој објави нов одличен повик преку кој малите и средните бизниси можат да добијат грантови за дигитализација на своите работни процеси. Преку поддршката за дигитална трансформација во рамките на овој повик, претпријатијата од земјоделско-прехранбениот и туристичкиот сектор ќе можат:

• •  да ги дигитализираат процесите и услугите со што ќе обезбедат подобро планирање, донесување на бизнис одлуки на основ на анализа на податоци и подобрување на целокупното работење;
  • да го овозможат или забрзаат воведувањето на иновативни производи, услуги и процеси;
  • да го оптимизираат производниот процес и со тоа да ја зголемат економијата на обем;
  • да ги намалат трошоците за производство и со тоа да креираат поконкурентна цена;
  • да го унапредат откупот на суровини и со тоа да влијаат на синџирот на добавувачи;
  • да создадат услови и можности за креирање нови работни места.

Фондот за иновации и технолошки развој овој предизвик го реализира во партнерство со Програмата за зголемување на пазарната можност за вработување (Increasing Market Employability (IME) Program) на Швајцарската агенција за развој и соработка и ИНОФЕИТ ДИХ.

ИМЕ ќе учествува во вкупниот буџет на предизвикот со финансиски средства од 6.150.000 (шест милиони и сто и педесет илјади) денари.